Ҳадаф аз вохӯрии мазкур ин муаррифии лоиҳаи панҷсолаи “Такмили таълими илмҳои табиӣ, технологӣ, муҳандисӣ ва математика дар мактабҳои миёна”(STEM), ки солҳои 2023-2028 татбиқ мегардад, мебошад.

-Соли 2020 барои тамоми ҷаҳон соли санҷишҳо гардид ва бемории COVID-19 ба мо бори дигар сабақ омўхт, то дар аз худ намудани иқтисодиёти рақамӣ, гузаронидани дарсҳои фосилавӣ, истифодаи васеъи технологияи инноватсионӣ фаъол бошем ва ин ҳадафҳо бе дастгирии молиявии Шарикони Рушд хело вазнин аст. Чунки ҳар сол дар Тоҷикистон афзоиши аҳолӣ зиёда аз 2 %-ро ташкил намуда, шумораи хонандагони муассисаҳои таҳсилоти миёнаи умумӣ ба 2 195 619 нафар, муассисаҳои таҳсилоти миёнаи касбӣ 82 адад ва шумораи донишҷуён ба 93270 нафар, шумораи муассисаҳои таҳсилоти олии касбӣ ба 43 адад ва шумораи донишҷӯён ба 234 524 нафар ва шумораи омўзгорон дар се зинаи таҳсилот зиёда аз 150 ҳазор нафар расидааст, ки дастрасии ҳар як хонанда ба мактаби муҷаҳҳаз бо кабинетҳои фаннӣ, компютер ва интернет бениҳоят муҳим мебошад. Хуб мешуд, ки дар доираи ҳамкориҳо бо лоиҳа масъалаҳои болозикр ба роҳ монда шавад, чунки имрӯз таваҷҷуҳи Ҳукумати Ҷумҳурии Тоҷикистон ва Вазорати маориф ва илм ба рушди фанҳои табиӣ, риёзӣ ва дақиқ бештар мебошад. Мо хурсанд аз онем, ки дар самти стратегияи ҳамкории Бонки Осиёи Рушд бо Тоҷикистон барои солҳои 2021-2025 яке аз афзалиятҳои Ҳукумати ҷумҳурӣ ин эълон гардидани Солҳои 2020-2040-“Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” ба корбарӣ гирифта шудааст, - зикр гардид зимни суҳбат. 

Бояд гуфт, ки татбиқи лоиҳаи мазкур дар истифодаи васеътари усулҳои муосири таълим барои беҳтар намудани таҷрибаи таълим ва баланд бардоштани дастрасӣ ба таҳсилот, аз ҷумла равиши илмӣ-технологӣ ва муҳандисию риёзӣ ва беҳтар намудани сифати инфрасохтори мактабҳои таҳсилоти умумӣ ва таҳкими низоми идоракунӣ дар системаи маориф ва илм мусоидат мекунад.