Зимни суҳбат ҷонибҳо перомуни ҳамкориҳо дар соҳаи таҳсилоти миёнаю олии касбӣ ва дурнамои инкишофи ин самти фаъолият ибрози андеша намуданд. Аз ҷумла, иттилоъ дода шуд, ки айни ҳол дар муассисаҳои таҳсилоти олии касбии ҳарду кишвар теъдоди зиёди шаҳрвандони ҷумҳуриҳои Тоҷикистону Ӯзбекистон таҳсил менамоянд ва ҷиҳати вусъат бахшидани ҳамкориҳо дар ин самт минбаъд низ чораҳои дахлдор андешида мешавад.

 Дар охири суҳбат Муҳаммадюсуф Имомзода-вазири маориф ва илми Ҷумҳурии Тоҷикистон бо Абдукодир Тошкулов-вазири таҳсилоти олӣ ва миёнаи махсуси Ҷумҳурии Ӯзбекистон аз ҳамдигар даъват ба амал оварданд, ки бо сафари расмӣ ба ҷумҳуриҳои якдигар сафар намоянд.

Ёдовар мешавем, ки дар доираи сафари Президенти Ҷумҳурии Ӯзбекистон муҳтарам Шавкат Мирзиёев ба Ҷумҳурии Тоҷикистон дар ноҳияи Ургути вилояти Самарқанди Ҷумҳурии Ӯзбекистон муассисаи таҳсилоти миёнаи умумии аз ҷониби Ҷумҳурии Тоҷикистон сохташуда ба истифода дода шуд, ки дар маросими ифтитоҳии он бевосита вазири маориф ва илми Ҷумҳурии Тоҷикистон иштирок дошт.