Мавриди зикр аст, ки бинои иловагии муассисаи таълимии мазкур бо дастгирии соҳибкори ватанӣ Баҳриддин Меликов бунёд ёфта, дорои 8 синфхона ва 1 толори маҷлисгоҳ буда, барои 192 нафар хонанда дар як баст пешбинӣ шудааст. 

Зимни сухани ифтитоҳии худ раиси ноҳияи Рӯдакӣ А.Исматзода зикр кард, ки бо ташаббуси шахсони хайрхоҳу ватандӯст дар ноҳияи Рӯдакӣ биноҳои нави муассисаҳои таълимии №7, 35, 85 ва даҳҳо синфхонаҳои иловагӣ бо сифати баланд бунёд ёфтанд, ки боиси қаноатмандӣ аст. 

- Боварӣ дорам, ки омӯзгорони таълимгоҳи №173 дар ҷавоби ин ғамхориҳо пурмаҳсул меҳнат мекунанд, сифати кори таълиму тарбияро баланд мебардоранд ва шогирдони сазовори давру замонро тарбия карда ба воя мерасонанд, - иброз дошт раиси ноҳия А.Исматзода. 

Дар маросими ифтитоҳии бинои муассиса, инчунин аз ҷониби мақомоти иҷроияи ҳокимияти давлатии ноҳия Рӯдакӣ ба соҳибкор Баҳриддин Меликов Сипоснома супорида шуд.